Curriculum ontwikkeling

Curriculum development


Seccion Desaroyo di Curiculo di Departamento di Enseñansa Aruba a lanta na 1986 cu e meta pa percura pa material educativo cu ta tene cuenta cu e mucha cu ta biba na Aruba. Cu tempo e seccion a crece y a percura tambe pa e metanan nucleo pa enseñansa primario y pa e terminonan final pa enseñansa avansa y profesional.


Tareanan general

Desaroyo di meta (leerplanontwikkeling)

Riba e tereno aki ta desaroyando metanan nucleo pa Enseñansa Primario y ta revisando metanan final pa Enseñansa Secundario General, Enseñansa Profesional Basico y Enseñansa Profesional Intermedio.


Desaroyo di material (leermiddelenontwikkeling)

Seccion Desaroyo di Curiculo (t)a desaroya material pa Enseñansa Preparatorio (e.o. Hulandes, Ingles, Spaño, Traduccion/Adaptacion LVS), Enseñansa Regular (e.o. Lesamento Inicial, Idioma, Matematica, Ingles, Spaño) y Enseñansa Special (e.o. Siña Lesa – un metodo di lesa y skirbi, Mediles – un metodo di idioma).


Catalogo digital

Ya pa mas cu 30 aña Departamento di Enseñansa ta desaroya material educativo pa diferente tipo di scol na Aruba. Como refleho di e esfuersonan desplega a publica na aña 2017 un catalogo cu ta contene un lista amplio di tur publicacion y material produci. E catalogo ta obtenibel den forma digital:

> Catalogo digital

Den e submenu (links) tambe por haya mas informacion di e diferente proyectonan pa Enseñansa Primario (kleuter y basis), Enseñansa Secundario General, Enseñansa Profesional Basico, Enseñansa Profesional Intermedio y otro proyectonan cu seccion Desaroyo di Curiculo di Departamento di Enseñansa Aruba ta colabora cu ne.


Info / Contact

DEA > Desaroyo di Curiculo – Curriculum Ontwikkeling

Scroll To Top
  • © 2011-2018 Department of Education Aruba (DEA)
  • T +297-528-3400
  • F +297-528-3434
  • info@ea.aw