Arubalening pa studia na EPI

February 16, 2017

Land Aruba ta brinda studiantenan cu kier sigui studia na Aruba of den exterior un prestamo pa financia e estudio aki: Arubalening. E studiante cu ta opta pa continua cu un estudio na nivel di middelbaar beroepsonderwijs na Aruba por aplica pa e producto Arubalening EPI.

 

Ta conseha tur studiante pa haci un calculacion di gastonan di estudio y haci un calculacion tambe di sumanan na disposicion di e studiante pa cubri e gastonan aki. A base di e calculacion aki por haci un escogencia consciente si ta aplica pa un Arubalening EPI 2017 – 2018.

Riba nos website por haya informacion di e sumanan cu por bin na remarca p’e den caso cu aplica pa un Arubalening EPI.

E studiantenan cu kier mas informacion di con pa haci calculacion di gastonan y sumanan na nan disposicion por acudi na seccion Studiefaciliteiten di Departamento di Enseñansa.

 

Procedura di Aplicacion

Desde dia 1 di februari 2017 studiantenan por cuminsa cu e proceso di aplicacion pa Arubalening a traves di e Arubalening Portal.

E portal y tur informacion necesario ta accesibel via nos website ea.aw.

E prome paso cu e studiante cu ta desea di bin na remarca pa un Arubalening mester tuma ta pa registra, pues crea un Arubalening Account.

Cu e Arubalening Account e studiante por log in den e Arubalening Portal caminda e por haci su peticion pa un prestamo pa financiamento di estudio (Arubalening) pa studia sea na Aruba of den exterior.

Seccion Studiefaciliteiten lo evalua cada peticion pa asina brinda contesta si e studiante ta bin na remarca pa un Arubalening.

 

Ta sugeri pa studiantenan acudi regularmente na nos website ea.aw como tambe sigui Departamento di Enseñansa via facebook na @educationaruba.

 


Info / Contact

Pa mas informacion por busca den e alfabet menu riba homapage: [A] Arubalening of [S] Studia na Aruba of por tuma contacto cu DEA > seccion Studiafaciliteiten

Scroll To Top
  • © 2011-2019 Department of Education Aruba (DEA)
  • T +297-528-3400
  • F +297-528-3434
  • info@ea.aw