Anuncio relaciona cu Curso

March 30, 2017

Departamento di Enseñansa Aruba regularmente ta haya pregunta riba cursonan riba nivel di MBO y HBO cu ta ser promovi den corant y via Facebook cu supuestamente lo ta reconoci na Hulanda segun leynan Hulandes cu ta regarda cursonan (“opleidingen”) riba nivel di MBO y HBO.

A base di esaki Departamento di Enseñansa a tuma contacto cu e instancianan concerni na Hulanda.

Departamento di Enseñansa a haya notificacion for di NVAO Hulanda cu ta indica cu nan no a acredita niun curso (of “opleiding”) riba nivel di HBO di NHALOI of NCOI, cu lo ta ser duna of brinda online na Aruba, Corsou of Boneiro.

Riba nos pregunta si cursonan riba nivel di MBO cu lo ta ser duna of brinda online via companianan ubica na Aruba, Corsou y Boneiro lo ta reconoci pa e Ministerie van Onderwijs, Cultuur en Wetenschap manera ta ser propaganda, Departamento di Enseñansa Aruba a haya como contesta for di Onderwijsinspectie Nederland cu e licencia cu institutonan educacional Hulandes tin pa ofrece educacion na Hulanda no ta transferi automaticamente pa Caribisch Nederland (Aruba, Corsow y Boneiro).

Cu otro palabra e chens ta grandi cu e cursonan cu ta ser duna of brinda online na Aruba, Corsou y Boneiro no conta cu reconocimento di Hulanda y consecuentemente tampoco di Aruba.

 


Info / Contact

Pa mas informacion por busca [D] Diploma den e alfabet menu riba homepage of por tuma contacto cu DEA > Diploma Evaluatie.

Scroll To Top
  • © 2011-2019 Department of Education Aruba (DEA)
  • T +297-528-3400
  • F +297-528-3434
  • info@ea.aw