Buscando un topico?
Mustra tur topico

EduCanada Aruba Fair 2017
Dialuna 28 di Augustus di 2017 00:00

Ministerio di Enseñansa di Aruba conhuntamente cu e Embahada di Canada ta organisa e prome edicion di EduCanada Aruba Fair dia 6 di september proximo, cu presencia di diferente Universidad y College Canades y institutonan local.

E EduCanada Fair ta wordo organiza na diferente pais rond mundo y e biaha aki a toca Aruba pa host e evento.

EduCanada Aruba Fair 2017 ta un Higher Education Fair comparabel cu un College and Career Fair y lo conta cu presencia di diferente Universidad y College Canades como tambe nos mesun institutonan local.

EduCanada Aruba Fair 2017 ta e resultado di e cooperacion extenso y positivo di e ultimo dos añanan entre Aruba y Canada unda cu a logra sera diferente acuerdo cu institutonan Canades pa haci studia na Canada mas accesibel y atractivo pa nos hobennan di Aruba.

Ministerio di Enseñansa ta sumamente contento di por host e Universidad y Colleges Canades como tambe nos institutonan local pa e evento special aki.

 

Participacion

E institutonan Canades cu ya a confirma nan presencia ta Bishop’s University, Carleton University, Seneca College, Centennial College, Niagara College y Humber College.

Pa loke ta nos institutonan local lo ta presente Universidad di Aruba, Instituto Pedagogico Arubano (IPA), Colegio EPI, Academy of Fine Arts and Design y tambe International School of Aruba lo ta presente pa duna informacion di e programa GED.

Departamento di Enseñansa tambe lo ta presente pa duna informacion di Arubalening y e Embahada di Canada lo duna presentacion general riba biba y studia na Canada.


Download: [Floorplan - Presentation Schedule EduCanada Aruba Fair 2017]

 

Invitacion

Ministerio di Enseñansa, Embahada di Canada y tur e institutonan cu ta participa ta invita tur studiante, educador, mayor y tur interesado pa bin bishita e EduCanada Aruba Fair 2017 diaranson dia 6 di september proximo di 2:00 pm pa 7:00 pm na Renaissance Convention Center.

EduCanada Aruba Fair 2017 ta habri pa publico general y entrada ta completamente gratis.

Pa mas informacion riba studia na Canada y e evento EduCanada Aruba Fair 2017 por bishita e websites [educanada.ca] y  [ea.aw > Studia na Canada].

 

Mas informacion


Studia na Canada

Acuerdonan formalisa entre Aruba y Canada

 

 

Pa mas informacion busca den e alfabet menu riba nos homepage:
S
Studia na Canada
Info/Contact
Ministerio di Enseñansa
Henter comunidad: alumno, studiante, mayor, coleganan maestro y/of cabesante di scol, ta bonbini pa nomina un persona of proyecto escolar pa Appel di Oro 2015. Pa haci esaki mester download e formulario di aplicacion for di riba e website Enseñansa Aruba | ea.aw. Lesa e preguntanan y describi en corto y mas concreto posibel pakico bo kier nomina e persona of proyecto.